Plantun de Prouvènço

Pèr coumpara dos planto d'encò nostre

Phagnalon saxatile & Cerastium fontanum

Phagnalon saxatile

Asteraceae Compositae

Nom en français : Phagnalon des rochers.

Descripcioun :
Planto argentado, un pau lignouso à la baso, que trachis sus li paret pulèu séusous. Fai de flour coumpausado daurado un pau mai grosso (7-11 mm) que soun cousin Phagnalon sordidum (6-10 mm). Li fueio soun peréu mens primo e longo eici e devenon tambèn mens peludo. Coumpara emé lou fagnaloun-reguergue.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Phagnalon
Famiho : Asteraceae
Famiho classico : Compositae
Tribu : Gnaphalieae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Noun

Liò : Paret - Terraire safrous
Estànci : Termoumediterran à Mesoumediterran
Couroulougi : Pancaro entresigna
Ref. sc. : Phagnalon saxatile (L.) Cass., 1819

Ceraiste(-di-font)

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.